Албански државјан уапсен на „Деве Баир“, во камион пронајдени 24 пакувања марихуана

Албански државјан е лишен од слобода на Граничниот премин „Деве Баир“, откако при претрес на товарно возило биле пронајдени 24 пакувања со марихуана.

— реклама —

Како што соопшти Министерството за внатрешни работи, на 8 јули околу 20 часот, при гранична контрола на излез од државата, полициски службеници извршиле претрес на товарно возило „волво“ со албански регистарски ознаки, управувано од Ч.А. (40) од Република Албанија.

— реклама —

— реклама —

При контролата, во кабината на влекачот биле пронајдени и одземени 24 пакувања со марихуана.

— реклама —

За случајот бил известен јавен обвинител, а осомничениот е задржан во полициска станица, каде против него ќе биде спроведена понатамошна постапка.