На граничниот премин Блато денеска бил приведен 51-годишен државјанин на Албанија, кој бил баран со меѓународна потерница.
Како што информира Министерство за внатрешни работи, на 25 мај во 08:00 часот полициски службеници од Полициска станица за граничен премин и граничен надзор Блато, на влез во државата, го лишиле од слобода С.Х.(51) од Албанија.
При извршените гранични проверки било утврдено дека лицето е евидентирано со мерка „апси“ по барање на Интерпол – Луксембург.
Од МВР велат дека по целосно документирање на случајот ќе следува соодветна пријава.
