Албанските власти забранија влез за двајца државјани на Македонија

Министерството за внатрешни работи на Албанија прогласи за „нон грата“ двајца државјани на Македонија, поради сомневања за активности што, според албанските власти, биле насочени против интересите и безбедноста на државата.

— реклама —

Според информациите на „Топ Ченел“, станува збор за Валон Беља и Бекир Халими.

— реклама —

Одлуката, според истиот извор, била донесена по предлог на единицата за борба против тероризмот при албанската полиција, а потоа потврдена од Министерството за внатрешни работи.

Бекир Халими е поранешен припадник на ОНА и вахабистички теолог, додека Валон Беља е поранешен функционер на ДУИ и поранешен економски директор на Клиниката за гинекологија и акушерство.

— реклама —

Албанските власти наведуваат дека за двајцата постојат информации за активности кои ги оцениле како штетни за државата и нејзината безбедност.

— реклама —

Ова не е прв ваков случај во последниот период. Претходно, албанското Министерство за внатрешни работи ја прогласи за „нон грата“ и Икбале Худути, на која ѝ беше изречена забрана за влез во Албанија во наредните 15 години.