Албин Курти повторно избран за премиер на Косово

Албин Курти повторно е избран за премиер на Косово, откако Собранието денеска со 62 гласа ја поддржа новата Влада. По претставувањето на владината програма, која во најголем дел е речиси идентична со програмата на претходната Влада од февруари годинава, беа избрани и членовите на новиот владин состав.

За прв заменик-премиер и министер за надворешни работи и дијаспора е избран Глаук Конјуфца, додека Доника Гервала ќе биде втора заменик-премиерка и министерка за правда. Фикрим Дамка е избран за трет заменик-премиер, задолжен за прашањата на малцинствата и соработката.

— реклама —

Хекуран Мурати ќе раководи со Министерството за финансии, Андин Хоти со Министерството за труд, семејство и вредности на ослободителната војна, а Ејуп Маќедонци со Министерството за одбрана.

— реклама —

За министер за внатрешни работи е избран Џељаљ Свечља, за јавна администрација и дигитализација Љуљзон Јагџиу, а за здравство Арбен Витиа.

Хајрула Чеку ќе биде министер за образование и наука, Саранда Богујевци е избрана за министерка за култура и туризам, а Блерим Гашани за министер за спорт и млади.

— реклама —

Ељберт Красниќи ќе го предводи Министерството за администрација на локалната самоуправа, Фиторе Пацоли Министерството за животна средина и просторно планирање, а Арменд Муја Министерството за земјоделство, шумарство и рурален развој.

— реклама —

Димал Баша е избран за министер за инфраструктура и сообраќај, Мимоза Кусари-Лила за министерка за индустрија, претприемништво, трговија и иновации, а Артане Ризваноли за министерка за економија.

Во новиот владин состав се и Ненад Рашиќ како министер за заедници и враќање и Расим Демири како министер за регионален развој.