Украдени над 100 парчиња огнено оружје од магацин во Косово, полицијата истражува

Повеќе од 100 парчиња огнено оружје биле украдени од магацин за оружје во Ѓаковица, соопшти Косовската полиција.

— реклама —

Како што се наведува во полициското соопштение, покрената е истрага за случајот, кој е квалификуван како „тешка кражба“.

— реклама —

Кражбата била пријавена во полиција во петокот попладне, а случајот го пријавиле двајца мажи, се наведува во полицискиот извештај.

Според нивната пријава, непознати лица однеле повеќе од 100 парчиња огнено оружје од магацинот.

— реклама —

Засега не е познато кој е сопственик на магацинот, ниту за каков вид огнено оружје станува збор.

Полицијата соопшти дека истрагата е во тек.