Приштина трага по 54-годишен маж од Ѓаковица, исчезнат пред шест дена

Косовската полиција трага по 54-годишниот Авди Ќуни од Ѓаковица, кој на 13 октомври го напуштил домот и оттогаш му се губи трагата. Неговата сопруга и двете деца се обиделе да го пронајдат, но без успех.

— реклама —

Според косовските медиуми, сопругата се сомнева дека исчезнувањето можеби е поврзано со финансиски проблеми и долгови што тој не можел да ги врати. Таа изјавила дека Ќуни немал телефон со себе, што дополнително го отежнува неговото пронаоѓање.

— реклама —

Случајот е пријавен кај надлежните, а обвинителот е известен и отворена е истрага.

— реклама —

Во последните денови на Косово биле пријавени и други исчезнувања, меѓу кои исчезнување на девојче во Глоговац, на жена во Вучитрн и на две малолетни девојчиња од селото Горњи Ливоч кај Гњилане. Пријавено било и исчезнување на маж од Косово Поле.

Засега нема индиции дека шесте пријавени исчезнувања се меѓусебно поврзани.