Александар Зверев е новиот светски тениски рекет број еден

Германскиот тенисер Александар Зверев го оствари најголемиот сон во кариерата и од 2 ноември 2026 година официјално е новиот светски рекет број еден. Со тоа стана 29. тенисер во историјата кој успеал да се искачи на врвот на АТП-листата, воспоставена во август 1973 година.

Зверев уште од детството бил поврзан со тенисот. Тој е син на поранешните тенисери Александар и Ирина Зверев, а неговиот постар брат Миша исто така имал успешна професионална кариера.

— реклама —

За големиот потенцијал на Германецот се зборувало уште во тинејџерските денови. Во 2016 година, на само 18 години, беше блиску до голема победа над Рафаел Надал на турнирот во Индијан Велс. Иако сервираше за победа при резултат 5:3 во решавачкиот сет, ја пропушти шансата, а Шпанецот направи пресврт.

Надал тогаш имаше пофални зборови за младиот тенисер, предвидувајќи му борба за првото место во светот. Слично мислење имаше и Роџер Федерер, кој сметаше дека Зверев ги поседува потребните квалитети за самиот врв.

— реклама —

Германецот во 2017 година влезе меѓу десетте најдобри тенисери, а една година подоцна го освои завршниот мастерс во Лондон. Во јуни 2022 година стигна до второто место на АТП-листата, но сериозна повреда на скочниот зглоб во полуфиналето на Ролан Гарос против Надал му ја прекина сезоната.

— реклама —

Во периодот што следуваше, Зверев се соочи со нови предизвици, додека на врвот се искачија Карлос Алкараз и Јаник Синер. Особено тежок период имаше минатата година, кога беше елиминиран уште во првото коло на Вимблдон. Подоцна откри дека се соочувал и со психолошки тешкотии, а одморот и времето поминато со пријателите му помогнале да најде нова мотивација.

Следуваше голем пресврт во неговата кариера. Зверев ги освои Ролан Гарос и Ју-Ес опен, а со тоа направи решавачки чекор кон првото место на светската ранг-листа.

— реклама —

Со две гренд-слем титули, два трофеја од завршниот мастерс и седум титули на турнирите од серијата Мастерс 1000, Зверев сега се приклучи на најелитното друштво во светскиот тенис.

View this post on Instagram