Зверев го победи Де Минор и се пласира во полуфиналето во Шангај

Александар Зверев продолжува со настапите на мастерс-турнирот во Шангај, откако во четвртфиналето го совлада Австралиецот Алекс де Минор со 6:4, 6:4 и обезбеди место меѓу четворицата најдобри.

— реклама —

Германскиот тенисер ја заврши работата за помалку од час и половина, искористувајќи ја првата меч-топка. Со оваа победа го прекина низот од два пораза од Де Минор, кој претходно двапати го совлада на Лејвер купот.

— реклама —

Пред овој дуел Зверев имаше предност од 8:4 во меѓусебните пресметки, а сега дополнително ја зголеми. Во првиот сет решавачки беше еден брејк, додека во продолжението клучен се покажа шестиот гем. Иако губеше со 2:3, Германецот успеа да го одбрани својот сервис и покрај брејк-топките на противникот, а веднаш потоа му го одзеде сервисот на Австралиецот. Стекнатата предност ја задржа до крајот на мечот.

— реклама —

За место во финалето, Зверев ќе се соочи со Шпанецот Алехандро Давидович Фокина, кој се пласираше во полуфиналето откако Артур Жеа го предаде четвртфиналниот дуел поради повреда.

За Давидович Фокина ова ќе биде четврто полуфинале на турнирите од мастерс-серијата. Неговиот успешен период во Кина претходно беше заокружен со освојување на титулата во Ченгду.