Амандман за повисок студентски оброк: се предлага да се зголеми од 140 на 200 денари

Се предлага зголемување на дневниот студентски оброк од сегашните 140 на 200 денари, односно за 60 денари. Предлогот е поднесен со амандман на вториот ребаланс на Буџетот за 2026 година, а за негово спроведување се потребни дополнителни 200 милиони денари, или околу 3,25 милиони евра.

— реклама —

Со амандманот се бара зголемување од речиси 43 проценти, со образложение дека актуелниот износ не е доволен за покривање на основните потреби на студентите поради инфлацијата и поскапувањето на храната и другите животни трошоци.

— реклама —

— реклама —

Предлагачите сметаат дека повисокиот износ ќе го подобри животниот стандард на студентите, ќе го намали финансискиот товар врз нивните семејства и ќе придонесе за создавање подобри услови за студирање.

Собранието го разгледува ребалансот на Буџетот, за кој се поднесени вкупно 124 амандмани. Дали студентскиот оброк ќе се зголеми на 200 денари дневно ќе зависи од исходот на амандманската расправа и одлуката на пратениците.