Американската влада му забрани на Anthropic да ги нуди најмоќните на вештачката интелигенција на странски државјани

Американската компанија за вештачка интелигенција Anthropic соопшти дека добила наредба од американската влада со која мора да им го оневозможи пристапот до своите напредни модели Fable 5 и Mythos 5 на странски државјани, поради загриженост за националната безбедност.

Од компанијата наведуваат дека известувањето за новите извозни ограничувања го добиле во петокот, но дека не им биле доставени конкретни детали за причините што стојат зад одлуката.

— реклама —

Сепак, според соопштението на Anthropic, американските власти сметаат дека постои можност за заобиколување на безбедносните механизми вградени во моделот Fable 5.

„Крајниот резултат од оваа наредба е дека мораме веднаш да ги оневозможиме Fable 5 и Mythos 5 за сите наши клиенти за да ги почитуваме правилата. Пристапот до другите модели на Anthropic нема да биде засегнат“, соопшти компанијата.

— реклама —

Од Anthropic додаваат дека веруваат оти станува збор за недоразбирање и дека работат на што поскоро враќање на пристапот до моделите.

— реклама —

Претходно, американскиот министер за трговија испратил писмо до извршниот директор на компанијата, Дарио Амодеи, во кое се наведува дека моделите Mythos 5 и Fable 5 подлежат на извозни контроли за секоја локација надвор од САД, но и за сите странски државјани кои се наоѓаат во земјата.

Одлуката доаѓа откако американскиот претседател Доналд Трамп потпиша извршна наредба со која од водечките компании за вештачка интелигенција се бара доброволно да ги доставуваат своите најмоќни модели до владата за тестирање пред нивно јавно пуштање во употреба.

— реклама —

Односите меѓу Anthropic и делови од администрацијата на Трамп веќе подолг период се предмет на несогласувања. Во март, американското Министерство за одбрана ја означи компанијата како потенцијален ризик за синџирот на снабдување.

Новите ограничувања доаѓаат во период кога Anthropic се подготвува за можно излегување на берза преку иницијална јавна понуда на акции.