Американската војска нуди награда за крадци кои украле воени дронови од база во Кентаки

Американската копнена војска нуди награда за информации што ќе помогнат во апсењето на двајца осомничени кои украле воени дронови од воена база, во период кога расте загриженоста од можни ирански напади со беспилотни летала на територијата на САД.

— реклама —

Службата за криминалистички истраги на копнената војска објави дека нуди награда од 5.000 долари за информации што ќе доведат до апсење на лицата осомничени дека во ноември минатата година украле дронови од базата Форт Кемпбел во сојузната држава Кентаки, објави „Њујорк пост“.

— реклама —

Кражбата се случила меѓу 21 и 24 ноември, но воените власти не соопштија кога точно било откриено дека опремата недостасува.

— реклама —

Станува збор за дронови од типот „Скајдио X10D“, лесни квадрокоптери со голем дострел кои се користат за воздушен надзор и извидување. Според производителот, овие беспилотни летала користат вештачка интелигенција за избегнување пречки и можат да се поврзат на 5Г мобилни мрежи, што овозможува речиси неограничен дострел на сигналот. Вредноста на еден ваков дрон се проценува на околу 30.000 долари.

— реклама —

Воените истражители објавија фотографии од двајцата осомничени, кои носеле ракавици, светли јакни и зимски капи, додека еден од нив имал и маска на лицето. Објавени се и снимки од две возила за кои се сомнева дека биле користени при бегството – светла лимузина со четири врати и темен пикап.