Спасувачките екипи извлекоа две девојчиња од урнатините на станбена зграда во турскиот град Измир, неколку дена по силниот земјотрес.
Elif bebek, a three year old girl rescued from rubble alive 65 hours after the earthquake in #Izmir #Turkey pic.twitter.com/K8YviOrbxy
— ali ornek (@ornekali) November 2, 2020
Спасувачите беа пречекани со аплауз кога 14-ната Идил Сирин беше извлечена од урнатините во Измир, откако помина 58 часа под урнатините. Нејзината осумгодишна сестра Ипек не преживеа, објави телевизијата НТВ.Седум часа подоцна, спасувачите ја извлекоа и тригодишната Елиф Перинек од друга урната зграда. Нејзината мајка и двете сестри биле спасени два дена порано. Детето поминало 65 часа во урнатините на зградата и е 106-то лице коешто е спасено од под урнатините, објави државната агенција Анадолија.
Силен земјотрес со јачина од 7 степени според Рихтеровата скала, со центар во Егејското Море, ги погоди Турција и Грција во петокот во попладневните часови.Вкупниот број на загинати од земјотресот што ги погоди овие две земји во петокот достигна 81, бидејќи тимовите за цивилна заштита пронајдоа повеќе тела во текот на ноќта во урнати згради во Измир, третиот по големина град во Турција.
