Сообраќајот на дел од белградската обиколница во правец кон Остружница е во прекин откако воен камион излета од патот и се превртел. Од камионот испаднала една ракета.
Камионот превезувал три ракети на против-воздушнот оклопен систем „Панцир С1“ со боеви глави, а екипажот одел на вежба.
Тројца војници, кои биле во возилото, побарале медицинска помош поради здобиените повреди. Се претпоставува дека возачот изгубил контрола и излетал од патот, а камионот буквално се превртел преку патните ленти.
Српското Министерство за одбрана потврди дека несреќата се случила утрово и дека во тек е увид на местото на настанот.
Видео и фото: Курир.рс