Поранешниот претседател на Алжир, Абделазиз Бутефлика почина по долго боледување на 84 -годишна возраст, пренесуваат светските медиуми.
Бутефлика беше на чело на Алжир скоро две децении, и поднесе оставка во 2019 година, откако неговата кандидатура за петти мандат доведе до масовни улични протести.
Тој одигра клучна улога во војната за независност на Алжир во 1950 -тите и 1960 -тите години.
Бутефлика ретко се гледа во јавноста по мозочниот удар во 2013 година, што остави последици врз неговата способност да зборува и да се движи.
Откако Алжир доби независност од Франција во 1962 година, тој стана најмладиот министер за надворешни работи во светот на дваесетгодишна возраст. Тој беше на таа позиција 16 години.
Како претседател на Генералното собрание на ОН во 1974 година, Бутефлика го повика палестинскиот лидер Јасер Арафат да се обрати на телото, што беше револуционерен потег. Тој, исто така, инсистираше на тоа дека Кина треба да има место во ОН и се спротивстави на апартхејдот во Јужна Африка.
Тој стана претседател на Алжир во 1999 година и успеа да воспостави примирје со исламистите.
Неговиот последен јавен настап беше во 2017 година, четири години откако доживеа мозочен удар.
Кога во 2019 година беше објавено дека Бутефлика ќе се кандидира за петти мандат, избија неколкунеделни протести низ целата земја, под притисок на кои тој поднесе оставка.
