Калифорнија ќе биде првата американска држава што воведе задолжителна вакцинација на студентите против Ковид-19, уште во јануари, објави денеска гувернерот Гевин Њусом.
Њусом рече дека Американската администрација за храна и лекови (ФДА) мора прво да одобри постојана дозвола за употреба на вакцината кај деца од различна возраст, пренесува Ројтерс.
Според новата мерка, објавена од гувернерот на Калифорнија, „Ковид-19“ ќе биде на списокот на болести против кои децата мора да се вакцинираат за да посетуваат државни или приватни училишта.
ФДА даде целосно одобрување за употреба на вакцината против ковид-19 на возраст над 16 години, додека итна употреба е одобрена за возраст од 12 до 15 години, и овој здравствен регулатор треба да размисли за употреба на вакцината „Фајзер“ за деца од 5 до 11 год.
Задолжителната вакцинација на индивидуални ученици е веќе воведена во неколку големи училишни области во Калифорнија.
Здравствените власти велат дека строгите мерки за контрола на ковид помогнале да се забави ширењето на вирусот во Калифорнија во последните недели.
