Стефковски: Недозволиво е во 21 век било што во општеството да се решава по пат на насилство
Градоначалникот на општина Гази Баба Бобан Стефковски, денес 11.12.2021 година (сабота) беше покровител на трибина која се оддржа во просториите на општина Гази Баба на тема “16 дена активизам против родовото базирано насилство”.
На трибината се обрати градоначалникот Бобан Стефковски кој истакна:
“Општина Гази Баба и јас како нејзин градоначалник сме целосно отворени за поддршка и заштита на секоја една жена, жртва на семејно насилство. Недозволиво е во 21 век, во ерата на технологијата и напредокот на светот, било што во општеството да се решава по пат на насилство, а особено не насилство вршено од страна на маж кон жена” – заклучи Стефковски.
На трибината, покрај градоначалникот Стефковски говореа и пратеничката во Собранието Жаклина Пешевска, претседателката на Здружението на граѓани за заштита на жртви од семејно насилство Кризен центар Надеж Маја Ацевска и претседателката на Советот на општина Гази Баба Дијана Илиевска.
