Стефковски отвори клуб за учење и другарување во ООУ Стив Наумов
Градоначалникот на општина Гази Баба Бобан Стефковски, денес 17.12.2021 година ја отвори новата просторија во ООУ Стив Наумов. Просторијата е наменета како клуб за учење и другарување.
За отворањето, градоначалникот Стефковски на својата официјална фејсбук страна напиша:
“Попладнево го отворивме клубот за учење и дружење во општинското основно училиште Стив Наумов во Автокоманда. Отворивме уште едно катче во кое учениците ќе можат да учат и другаруваат помеѓу часовите.
Проектот е реализиран во соработка на училиштето со неколку невладини организации и здруженија на граѓани.
Општина Гази Баба и во иднина ќе продолжи да вложува во создавање на просторни капацитети во рамки на училиштата, со цел учениците да имаат подобри услови за учење и другарување.”
