Наставник од Берлин осуден на доживотен затвор
Наставник од Берлин (42) денеска е осуден на доживотен затвор за убиство на маж (43), кое според судијата било извршено како дел од „канибалистички фантазии“.
Убиецот, за кој се знае дека е само Стефан Р., се појави на суд во август.
Судијата Матијас Шерц изјави дека убил механичар во септември 2020 година за да ги исполни, како што навел, неговите „канибалистички фантазии“, пренесе АП.
„Тоа што го направивте е нехумано“, рече судијата.
Убиецот е осуден и за сквернавење на телото, соопшти регионалниот јавен сервис РББ.
Истражните органи соопштија дека двајцата мажи се здружиле преку страница за запознавање.
Убиецот наводно отсекол делови од телото на жртвата и ги фрлил во различни делови на Берлин.
Полицијата со недели го бараше исчезнатиот механичар, додека неговите коски не беа пронајдени во берлинската шума.
Тој ги отфрли обвинувањата, а одбраната побара ослободување.
