Земјотрес во Хрватска
Од
Објавено на
Земјотрес со јачина од 4,1 степени според Рихтер го погоди подрачјето на Банија утрово околу 7 часот и 33 минути, соопшти ЕМСЦ.
Како што се наведува, епицентарот бил на пет километри западно од Петриња и 13 километри јужно од Сисак.
Епицентарот на земјотресот бил на длабочина од пет километри, а бил почувствуван во Петриња, Сисак и околните места.
Жителите на овие места велат дека земјотресот бил силен и се чувствувал долго време.
Корисниците на социјалните мрежи објавија дека земјотресот бил почувствуван и во Загреб.
