Лавчето од Будва ќе биде испратено во Африка
Од
Објавено на
Лавчето кое неодамна беше фатено на територијата на општина Будва ќе биде префрлено во Холандија, а потоа во некои од резерватите во Африка, соопштија од Агенцијата за заштита на животната средина за РТЦГ.
Како што беше наведено, Холандија ќе биде само попатна станица за младенче лав кое предизвика големо внимание во последните недели, а експертите проценуваат дека треба да биде испратено во Африка.
Постапката со цел да се утврди како лавот пристигнал во Будва се уште е во тек, а полицијата се сомнева дека зад шверцот стои група турски државјани.
Агенцијата за заштита на животната средина деновиве поднесе кривична пријава до обвинителството со сомневање дека во овој случај се работи за шверц на животни, што е тешко кривично дело.
