Белата куќа реагираше по изјавата на Бајден
„Поради Бога, овој човек не може да остане на власт“, рече американскиот претседател Џозеф Бајден во говорот за рускиот претседател Владимир Путин.
Веднаш по тој говор пристигна „појаснување“ од Белата куќа.
Во соопштението се наведува дека Бајден не повикал на промена на режимот во Москва.
„Поентата на претседателот беше дека не треба да му се дозволи на Путин да има моќ над соседните земји“, велат тие.
Би-би-си во анализата наведува дека ова е јасен обид да се повлечат зборовите на Бајден. Имено, Вашингтон е загрижен дека изјавата на Бајден може да изврши дополнителен притисок врз Путин и да го направи уште понестабилен.
Со оглед на тоа дека Путин е шеф на држава која има огромни проблеми со војната во Украина, а во исто време го контролира својот нуклеарен арсенал, Американците се загрижени бидејќи не сакаат да го турнат Путин во ќош, наведува Би-би-си.
Според Вашингтон, директните повици за промена на режимот во Москва може да предизвикаат нестабилност и да ја зголемат непредвидливоста. И последното нешто што тие го сакаат во ваква ситуација е непредвидливоста, наведува Би-Би-Си.
