Поддршката на Унгарија и Србија за исклучување на Русија од Советот за човекови права на ОН е пример за принуда на русофобијата, вели Песков
Поддршката на Унгарија и Србија за исклучување на Русија од Советот за човекови права на ОН е пример за принуда на русофобијата, изјави портпаролот на Кремљ, Дмитриј Песков.
Тој оцени дека не се работи за разбирање и простување, туку за разбирање, како што наведе, „тешка ситуација, овој невиден притисок и принуда врз русофобијата“, пишува „Известија“.
„Сето ова го доживуваат сите земји кои се обидуваат да заземат балансирана позиција. Ние го разбираме тоа“, изјави Песков за новинарите.
Генералното собрание на ОН на 7 април усвои резолуција со која се суспендира членството на Русија во Советот за човекови права на ОН, а земјите од регионот, вклучително и Србија, гласаа за резолуцијата.
Претседателот на Србија, Александар Вучиќ изјави дека Србија сакала да се воздржи при гласањето, но дека се соочила со големи притисоци. Официјален Белград претходно го поддржуваше територијалниот интегритет на сите земји, вклучително и Украина, но Србија не се приклучи на западните санкции против Русија.
