Спасовски да си поднесе оставка, доволно ја замајува јавноста за убиството на Тот кое сакаа да го прикријат, вели опозицијата
Оливер Спасовски уште повеќе се заплеткува со скандалозни изјави поврзани со убиството на ракометарот Денис Тот.
Спасовски 5 дена после убиството кажува дека ја имаат снимката од убиството, откако целата јавност ја виде, а не објаснува зошто МВР два дена после убиството тврдеше дека немало насилство и информираше дека ракометарот не бил претепан.
Спасовски ни малку не ја убеди јавноста дека МВР не го заташкува случајот, туку напротив.
Впрочем, Спасовски 5 дена после настанот најави дека за едно од лицата се трага и дека после 5 дена „ќе се распишуваат меѓународна и домашна потерница“?!
И реакцијата на МВР и ставовите кои МВР ги даваше за случајот говорат дека нешто се крие и се забошотува. Доволно Спасовски ја замајува јавноста.
Затоа Спасовски треба да поднесе оставка веднаш.
