„Ги осудувам насилните и вооружени напади врз косовските полициски претставници во Зубин Поток“, вели Мета
Од
Објавено на
Албанскиот претседател Илир Мета, доцна синоќа, преку објава на Фејсбук, ги осуди „нападите врз косовската полиција во Зубин Поток“.
„Најостро ги осудувам насилните и вооружени напади врз косовските полициски претставници во Зубин Поток. Имам целосна доверба дека институциите за спроведување на законот на Република Косово наскоро ќе ги расветлат овие кукавички дела и ќе ги изведат сторителите пред лицето на правдата“, напиша Мета.
Тој преку објавата упатува апел до косовските авторитети да избегнуваат провокации и влошување на состојбата.
„Апелирам да се избегнува каква било провокација и ескалација на тензиите, кои ја поткопуваат безбедноста на Косово, мирот и стабилноста во регионот“, напиша Мета.
