Шпанија ги негира обвинувањата за шпионажа
Шпанската влада денеска негираше дека незаконски ги шпионирала водачите на борбата за независност на Каталонија со користење на софтверот „Пегазус“.
Шпанија реагираше откако групата за човекови права откри дека цел биле десетици сепаратистички телефони, но не кажа ништо за тоа дали преземала електронски надзор одобрен од судот.
Канадската Citizen Lab вчера соопшти дека по 2017 година и неуспешниот обид да се добие независност на Каталонија, повеќе од 60 луѓе поврзани со сепаратистичкото движење и шпанскиот автономен регион, вклучително и сегашни и поранешни регионални лидери, биле цел на шпионски софтвер Пегасус, пренесува Ројтерс.
Портпаролката на шпанскиот кабинет Изабел Родригез изјави дека владата во Мадрид нема што да крие и дека целосно ќе соработува во секоја истрага во врска со овие наводи.
„Шпанија е демократска држава со целосно владеење на правото и секое нивно ограничување бара забрана или судски налог“, рече Родригез.
Групата Citizen Lab истакна дека не може никому директно да ги припишува шпионските операции, но дека индиректните докази укажуваат на шпанските власти.
