Во Германија христијаните станаа малцинство
![](https://skopje1.mk/wp-content/uploads/2018/12/germanija.jpg)
Во Германија, Римокатоличката и Евангелистичката црква губат сè поголемо влијание.
Така христијаните станаа малцинство во Германија, пренесуваат медиумите.
Кога ќе се соберат членовите на католичката и евангелистичката верска заедница, кои се двете најголеми христијански цркви во таа земја, се гледа дека нивниот број паднал под 50 отсто.
„Ова е историски пресврт. По многу векови, за прв пат во Германија, веќе не е „нормално“ да се биде член на црковна заедница“, објасни социологот Карстен Фрерк.
Тој посочи дека веќе подолго време е забележлив трендот на намалување на бројот на припадниците на христијанските верски заедници.
Во текот на изминатите шест години, овој тренд се забрза.
Минатата година христијаните, односно членовите на Католичката и Евангелистичката црква сочинувале 51 отсто од населението, а за споредба, уште во 1990 година, уделот на припадниците на тие верски заедници бил 72 отсто.
Германците од католичка вероисповед, пред сè, сè повеќе и вртат грб на својата црква, а поради бројните скандали се повлекуваат од таа верска заедница.
Се поголем е и бројот на Германци кои не сакаат да се изјаснат за својата вера, а во исто време бројот на муслимани постојано се зголемува, како преку работната имиграција, така и поради големиот мигрантски бран во последните години.
![](https://skopje1.mk/wp-content/uploads/2022/01/2222.png)