Мијалков џабе се жалеше: Пред пресудата за „Плацовите на Водно“, одлучено тој да остане без имотот
Имотот на екс началникот на УБК Сашо Мијалков останува замрзнат. Скопскиот кривичен суд ја потврди одлуката за забрана за оттуѓување на становите и хотелот Мериот во вредност од милиони евра. Ваквото решение го образложува дека постои основано сомнение дека потекнува од кривично дело, а се им се забранува и на правните лица да располагаат со нивните удели.
Инаку имотот на Мијалков е запленет како дел од истрагата Империја за која Телма веќе пишуваше дека е прошиена и ке опфати нови осомничени, нови кривични дела и фирми кои се вплеткани во мрежата на перење пари и затајување данок.
Во истрагата инаку до сега е опфатен биснисменот Орце Камчев, Цветан Панделевски – „Пелистерка“, Ненад Јосифовиќ, Ратка Куноска Камчева, Христина Камчева Стојческа и уште седуммина, но според најавите овој список не е конечен.
