(ВИДЕО) Протести во Париз по победата на Макрон, полицијата фрли солзавец
Француската полиција вчера фрли солзавец врз демонстрантите во центарот на Париз кои протестираа откако претседателот Емануел Макрон повторно победи на изборите.
Полицијата се обиде да ја разбие толпата претежно млади луѓе кои се собраа откако Макрон ја победи лидерката на крајната десница Марин Ле Пен во вториот круг од претседателските избори, јави Ројтерс.
PARIS : Quelques incidents à Chatelet-Les Halles après le résultat des élections présidentielle. pic.twitter.com/8GO6aP2bX8
— HORS-ZONE PRESS (@HZ_Press) April 24, 2022
Во Франција вчера се одржа вториот круг тензични претседателски избори на кои 48,7 милиони гласачи се определија меѓу Марин Ле Пен и Емануел Макрон.
Актуелниот француски претседател Емануел Макрон победи во вториот круг од изборите со Марин Ле Пен. Според првичните проценки, Макрон освоил 58 отсто од гласовите, а Марин Ле Пен 42.