ФОТО: Ранец со американско знаме паднал во Неготино
Политичката партија Левица на својата Фејсбук страна објави фотографии од ранец кој паднал во двор од куќа во Неготино.
Се уште не се знае како ранецот завршил на ова место.
„Во Неготино можеби нема вода, можеби нема ни соодветно осветлување по улиците, нема ниту инвестиции, но затоа пак во Неготино ни паѓаат ранци од небото! Вчера попладне, врз станбен објект падна неидентификуван предмет.
И покрај брзата реакција на воената полиција и нашите “пријатели” од НАТО, сепак истото не остана незабележано од наши сограѓани. Се прашуваме, доколку паднал ранец од летечки објект, дали постои опасност да падне нешто значително ризично и фатално по животот и здравјето на неготинци? И што ако овој објект – предмет паднеше на место каде има голема фрекфенција на луѓе? Немоќни да го заштитат и регулираат сопствениот простор како резултат на губење на суверенитетот, НИЕ бараме соодветните институции да сносат одговорност и да го расветлат случајот во најкраток можен рок“, велат од Левица Неготино.
