Рускиот вицепремиер во посета на Мариупол: „Започнува обновата на мирниот живот“
Рускиот вицепремиер Марат Хуснулин го посети Мариупол и на тој начин стана највисокиот владин функционер што влезе во украинскиот град досега по неколку недели руско бомбардирање.
На својот канал Телеграм, Хуснулин напиша:
„Ги посетив ослободените територии на ДНР (Народна Република Донецк) и ЛНР (Народна Република Луганск). Ги посетив Мариупол, Волноваха, Луганск и други градови и разговарав со локалното население.
Почнува обнова на мирниот живот во регионите, има многу работа. Ќе помогнеме. Посебна работа е потребна за давање хуманитарна помош“.
На видеото се гледа средбата на Хуснулин со Денис Пушилин, лидер на самопрогласената Народна Република Доњецк.
Како одговор, Петро Андрушенко, советник на избраниот украински градоначалник на Мариупол, рече дека Хуснулин го посетил пристаништето во Мариупол. Освен со банални грабежи, ваквите посети се повеќе се поврзани со обиди за директно интегрирање на окупираните територии во Русија“, рече Андрушенко.
