„Немаме никакви односи со САД, тие се на нула“, вели Медведев
Русија сега нема никакви односи со САД, тие се на апсолутна нула, односно не е можно дополнително да се замрзнат, изјави Дмитриј Медведев.
„Сега немаме односи со САД. Тие се на нула на скалата на Калвин. И нивното одмрзнување сега не е потребно. И засега, не е неопходно да се преговара со нив. Тоа е штетно за Русија“, рече заменик-претседателот на рускиот Совет за безбедност.
Тој смета дека сега е најнеповолното време за нови преговори со САД за продолжување на Договорот за намалување на стратешкото оружје (СНВ-3).
„Тоа ќе зависи од одлуката на претседателот на државата. Како човек кој има директна врска со тој договор и кој го потпиша во 2010 година, верувам дека сега е најнеповолното можно време за нови преговори“, рече Медведев.
Според негова проценка, минатата година преговорите се воделе во изменети околности, а сега се во „мртва зона“.
