САД: Русија планира да анектира украински територии
Од
Објавено на
Русија го подготвува теренот за анексија на украинска територија користејќи го истото сценарио како и на Крим, тврдат САД, повикувајќи се на разузнавачки извори.
Портпаролот на Советот за национална безбедност Џон Кирби на прес-конференција рече дека Русите се подготвуваат да инсталираат службеници блиски до Москва, да ја воспостават рубљата како валута и да ги принудат жителите да аплицираат за руско државјанство.
Кирби најави и брз одговор од САД и нивните сојузници во случајот со анексијата на украинските региони Керсон, Запорожје, Доњецк и Луганск, јавува Би-Би-Си.
