(ВИДЕО) Кралицата во критична состојба, Би-Би-Си ја прекина програмата


Британскиот јавен сервис БиБиСи ја прекина својата редовна програма за известување за состојбата на кралицата Елизабета, која беше ставена под медицински надзор во Балморал.
#Breaking Momento en que la BBC detiene su programación (hoy a las 12:39H UK) para anunciar que Isabel II se encuentra bajo supervisión médica en el Castillo de Balmoral, los médicos dicen estar preocupados por la Reina pic.twitter.com/n0aqPFpUme
— Hector Palmar (@heyhec) September 8, 2022
Исто така, британскиот принц Чарлс и неговиот син принцот Вилијам итно отпатувале во резиденцијата на кралицата Елизабета Втора во замок во Шкотска. Принцот од Велс отпатува во Балморал со неговата сопруга Камила, војвотката од Корнвол, изјави портпаролот на неговата кралска резиденција.
Палатата Кенсингтон потврди дека и принцот Вилијам отпатувал во Балморал.
Британските медиуми јавуваат дека во Балморал биле поканети и останатите членови на семејството, додека на социјалните мрежи се шпекулира дека отишле да го кажат последното збогум.
На сериозноста на ситуацијата укажува и тоа што за тоа се информирани сите пратеници од двата дома на британскиот парламент, но и членовите на новоизбраниот кабинет на новата премиерка Лиз Трас.
Бакингемската палата претходно соопшти дека лекарите се загрижени за здравјето на кралицата и препорачале таа да остане под медицински надзор во замокот Балморал во Шкотска.
„По прегледот утринава, лекарите на кралицата се загрижени за здравјето на нејзиното височество и препорачаа таа да остане под медицински надзор“, се вели во соопштението.
