Русија: Киев испрати неколку илјади војници во сигурна смрт, во обид да се спротивстави на офанзивата
Постојаниот претставник на Русија во ОН, Василиј Небензја, изјави дека режимот во Киев испратил неколку илјади свои војници на смрт в
Сепак, како што рече, не станува збор за некаков „пробив“ на одбраната.
Според него, во близина на Миколаев, Харков и Запорожје загинале илјадници украински војници, кои украинскиот режим ги испратил во сигурна смрт и на кои специјалните сили не им дозволиле да се повлечат.
„Со цел да моли за ново оружје, особено пред состанокот на министрите за одбрана на НАТО во базата Рамштајн, кој се одржа вчера, режимот на Зеленски се обиде да создаде барем изглед дека Украина може да започне офанзива“, рече Небензја во ОН, на Седница на Советот за безбедност.
Дипломатот додаде дека украинските пропагандисти во највисоките ешалони на власта отворено ги споделиле со светската заедница плановите за офанзива насочена кон враќање на изгубените територии, што е во спротивност со принципите на воената стратегија.
„Колку што можеме да процениме, дури и раководството на вооружените сили на Украина беше против ова лудило, но лидерот на Украина беше категоричен откако разговараше со своите американски и британски колеги“, изјави Небензја.
Како што објасни, украинските војници успеале да окупираат само неколку села на периферијата и дека „не станува збор за некаков продор“, што воените експерти многу добро го знаат.
„Меѓутоа, западните медиуми веќе објавија дека Украина започна контраофанзива која треба да биде поддржана со ново западно оружје. Така се создаде потребната медиумска позадина за средбата во Рамштајн“, рече дипломатот.
Администрацијата на регионот Харков соопшти дека борбите се водат долж целата контактна линија.
Вчера во американската база Рамштајн во Германија се одржа состанок на министри за одбрана и највисоки воени претставници од 50 земји, со цел натамошна поддршка на Украина во војната против Русија.
