Путин на средба со кинескиот претседател Си Џинпинг
Разговорите меѓу рускиот претседател Владимир Путин и кинескиот претседател Си Џинпинг ќе испратат сигнал до Западот.
Ова ќе биде сигнал за поддршката на Пекинг за Москва, пишува германскиот весник „Ханделсблат“.
Набљудувачите придаваат големо симболично значење на оваа средба. Ова може да се смета за јасен сигнал за поддршката на Москва – вели „Ханделсблат“.
Неодамнешната посета на претседателката на Претставничкиот дом на американскиот Конгрес, Ненси Пелоси, на Тајван ги влоши односите меѓу Пекинг и Вашингтон, но имаше позитивен ефект врз зајакнувањето на руско-кинеската алијанса „во рамките на конкурентската борба со Западот.
Потсетуваме, претседателот на Постојаниот комитет на Националниот народен конгрес на Кина (НПК) Ли Жаншу рече дека противењето на американската хегемонија е важен аспект на стратешката интеракција меѓу Кина и Русија.
Помошникот на рускиот лидер за меѓународни прашања, Јуриј Ушаков, во четвртокот изјави дека лидерската средба ќе биде многу важна и дека веќе се во тек активни подготовки за неа.
Состанокот на Советот на шефови на држави на Шангајската организација за соработка ќе се одржи во Самарканд на 15 и 16 септември.
