По шест месеци, Пепси го прекина производството и продажбата во Русија
Американската компанија PepsiCo Inc престана да произведува Pepsi, 7UP и Mountain Dew во Русија.
Таа пред речиси шест месеци најави дека ќе ја прекине продажбата и производството поради рускиот напад на Украина.
Соопштението на PepsiCo дојде откако новинарите на Ројтерс посетија десетици супермаркети, продавници и спортски сали во Москва и на други места и пронајдоа лименки и шишиња Пепси отпечатени со датуми на производство од јули и август од фабриките во Русија.
Последниот датум за производ на Пепси беше 17 август. Во соопштението испратено до британската агенција, американската компанија наведува дека престанала да произведува концентрати за Pepsi-Cola, Mirinda, 7Up и Mountain Dew во Русија.
„Сите концентрати се потрошени во Русија и производството заврши“, рече портпаролот на PepsiCo на 8 септември, прв јавен коментар за ова прашање откако компанијата објави на почетокот на март дека го суспендира производството, продажбата, промотивните активности и рекламирањето во Русија.
Портпаролот рече дека ова е во согласност со објавата на компанијата во март 2022 година, но одби да коментира дали продажбата е прекината.
Обновувањето на производството значи дека газираните сокови се уште се достапни во Москва, Владивосток на Далечниот исток и Краснојарск во Сибир, според Ројтерс.
