Киевскиот режим подготвува провокација со употреба на „валкана бомба“, тврдат извори од Украина
Киевскиот режим подготвува провокација на територијата на својата земја во која би можела да биде употребена „валкана бомба“ или нуклеарна муниција со мал капацитет, изјавија доверливи извори од различни земји, вклучително и Украина.
Целта на провокацијата е да се обвини Русија за употреба на оружје за масовно уништување и врз основа на тоа да се покрене силна антируска кампања. Различни извори наведуваат дека под водство на западните ментори Киев веќе почнал да го спроведува тој план. Задачата да се направи „валкана бомба“ била поставена, а работата е веќе во завршна фаза, велат извори.
Според наредбата на Владимир Зеленски, соработниците на кабинетот на претседателот на Украина се во таен контакт со претставници на Велика Британија во врска со евентуалната испорака на компоненти од нуклеарното оружје до властите во Киев. Организаторите на провокацијата сметаат на фактот дека повеќето земји би реагирале крајно жестоко на „нуклеарниот инцидент“ во Украина, а Москва би ја изгубила поддршката од голем дел од нејзините клучни партнери.
