Америка испрати воздухопловна дивизија до границата со Украина, Русија реагира: Ова може да предизвика катастрофални последици
Америка ја испрати Воздухопловната дивизија во Романија, до границата со Украина, од каде што може, во случај на напад на НАТО, да се приклучат во конфликтот со Русија.
Рускиот амбасадор во САД Анатолиј Антонов вели дека таквиот потег би предизвикал катастрофални последици.
Иако американските политичари, на чело со претседателот Џозеф Бајден, ја отфрлија можноста американската војска да се вклучи во конфликтот, Антонов за „Њузвик“ посочи дека Москва го свртела вниманието на американските политичари дека „изјавите на американските воени команданти се неприфатливи“.
Тој рече и дека Москва нема да стои со скрстени раце додека Пентагон не поправи таков речник.
„Нема да толерираме ситуација во која растат воените закани на руските граници. Директното учество на американската армија во борбите би довело до катастрофални последици. Убеден сум дека натамошното влошување на ситуацијата не е во интерес на Вашингтон. рече Антонов.
Антонов рече дека „Вашингтон се повеќе се вклучува во конфликтот во Украина, претворајќи ја украинската територија во бојно поле со Русија“.
„И покрај загриженоста на американската јавност и повиците на бројни пратеници, не само републиканци, туку и демократи, американската администрација ја турка својата приказна“, додаде Антонов.
