Курти со итно соопштение: Го прифаќам барањето за одложување од 48 часа
Надлежните на привремените институции во Приштина го одложија спроведувањето на одлуката за казнување на оние кои не ги пререгистрираа возилата за 48 часа.
Ова синоќа на Твитер го објави премиерот на привремените институции во Приштина, Албин Курти.
Одлуката е донесена на барање на Соединетите Американски Држави, а Курти му се заблагодари на американскиот амбасадор Џеф Ховениер за неговата посветеност и ангажман.
„Го прифаќам неговото барање за одложување од 48 часа во изрекувањето казни за нелегалните регистарски таблички КМ (и други). Среќен сум што ќе работам со САД и ЕУ за да се најде решение во следните два дена“, напиша Курти на својот Твитер профил.
Амбасадорот Ховениер објави кратка изјава дека, како што рече, САД се загрижени што лидерите на т.н. Косово и Србија не постигнаа договор за решение на актуелната криза на Косово и Метохија.
„Побаравме од (т.н.) влада на Косово да го одложи спроведувањето за 48 часа и да дозволи ЕУ и САД да се ангажираат во изнаоѓање решение во иднина“, рече тој.
I thank Ambassador Hovenier for his commitment and engagement. I accept his request for a 48-hour postponement on imposition of fines for illegal ‘KM’ (and other) car plates. I am happy to work with the US and the EU to find a solution during the next two days. https://t.co/iXq1SCM8JL
— Albin Kurti (@albinkurti) November 21, 2022
