Макрон договори средба со шпанскиот премиер
Од
Објавено на
Францускиот претседател Емануел Макрон и шпанскиот премиер Педро Санчез повторно ќе се сретнат во Шпанија на 19 јануари, напиша денеска Макрон на Твитер.
Средбата ќе следи по самитот на девет медитерански земји, што се одржа денеска во шпанскиот град Аликанте, пренесе Ројтерс.
Двајцата државници се сретнаа во Париз во декември 2020 година, а потоа шпанскиот премиер беше во самоизолација откако беше објавено дека претседателот на Франција бил позитивен на корона вирусот.
Неколку извори во Париз и Мадрид рекоа дека двајцата лидери работат на нов договор за француско-шпанско пријателство и соработка.
