Лавините однесоа животи на Алпите: најмалку 10 загинати во планините во Австрија и Швајцарија
Во неколку лавини низ австриските и швајцарските Алпи за време на викендот загинаа 10 лица, а туристите од Нов Зеланд, Кина и Германија беа меѓу првите жртви на неколку различни скијачки центри.
По неколкудневни обилни врнежи и ветер, австриските власти го зголемија нивото на предупредување за лавина на 4 од 5, а и покрај предупредувањата, скијачките центри во западна Австрија се преполни поради училишните одмори во Виена, јавува Би-би-си.
Австриската полиција во неделата потврди пет смртни случаи, вклучувајќи ја и смртта на 59-годишен маж кој користел дувалка за снег во западниот регион Тирол.
Пронајдени се и телата на инструктор за скијање во Санкт Антон ам Арлберг и 62-годишен маж кој скијал на крос-кантри околу врвот Хохе Ајфнер.
Во саботата беа пронајдени мртви 17-годишен Новозеланѓанец, 32-годишен Кинез и Германец на возраст од околу 50 години, за кои се вели дека скијале надвор од патеката кога ги погодила лавина.
Во Швајцарија, 56-годишна жена и 52-годишен маж исто така загинаа од лавини во југоисточниот кантон Граубуенден во саботата наутро.
Швајцарската полиција соопшти дека третиот член од нивната група успеал да побегне неповреден.
Лавините се вообичаени и во двете земји, а според австриските медиуми, само во саботата биле забележани 30 лавини во регионот на Тирол, а во 11 од нив биле загрозени луѓето, јави Би-би-си.
