Драматична снимка: Земјотресот откорна дел од зграда
Повеќе од 2.300 луѓе загинаа, а илјадници беа повредени во катастрофалниот земјотрес со јачина од 7,8 степени според Рихтеровата скала што ги погоди Турција и Сирија во текот на ноќта.
Во Турција бројот на загинати се искачи на 1.498, објави Би-Би-Си. Најмалку 8.533 се повредени. Се очекува бројот на жртвите да биде уште поголем додека продолжува потрагата по преживеани во урнатините.
Во текот на денот постојано пристигнуваат нови снимки. Така, еден од Турција покажува како дел од зградата едноставно се откинал и паднал на коловозот. Како што изгледа, во тој момент немало никој на патот, пренесува Index.hr.
Horrific videos emerging from #tuerkiye of the devastating earthquake building crumbles down in mere seconds #Turkey #TurkeyEarthquake pic.twitter.com/485DYrHIKN
— Amit Sahu (@amitsahujourno) February 6, 2023
Си-Ен-Ен јавува дека во регионот дежураат 15.000 спасувачи, а поради лошите временски услови користат хеликоптери и авиони за да стигнат до локациите погодени од земјотресот. Оштетени се најмалку 2.834 објекти, а властите работат на обезбедување засолниште за граѓаните во текот на ноќта.
Смртоносниот земјотрес, кој траеше околу една минута, се почувствува подалеку од Египет, Либан, Кипар и Израел, додека Италија накратко издаде предупредување за цунами долж брегот, кое подоцна беше повлечено. Луѓето во паника ги напуштија своите домови во градовите низ југоисточна Турција и северна Сирија, засолнети во своите автомобили поради страв од последователни потреси.
По разорниот земјотрес со јачина од 7,8 степени според Рихтеровата скала што утринава погоди делови од Турција и Сирија, имаше повеќе од 100 последователни потреси, од кои три беа посилни од 6 степени според Рихтеровата скала, изјави Орхан Татар.
