Руската армија во Сирија доби наредба да им помогне на властите во земјата во санирање на последиците од земјотресот
Рускиот министер за одбрана Сергеј Шојгу и нареди на руската армија во Сирија да им помогне на властите во земјата во отстранувањето на последиците од земјотресот што ја погоди таа земја.
Во оваа прилика соопшти Министерството за одбрана на Русија.
Во соопштението се наведува дека десет консолидирани одреди на руската армија од над 300 луѓе и 60 возила во Сирија ќе му помогнат на сириското население во санирањето на последиците од разорниот земјотрес.
Според соопштението, руските војници почнале да ги расчистуваат урнатините, да бараат жртви и да пружаат медицинска помош во областите кои претрпеа најголеми разурнувања.
„Како дел од обезбедувањето помош, рускиот центар за помирување на завојуваните страни отвори шест пунктови за обезбедување оперативна хуманитарна помош за повредените во градовите Алепо, Хама, Латакија и населбите Џабла, Стама и Бустан ал Баша“, соопшти Министерството за одбрана на Русија.
Дополнително, во воздухопловната база „Хмејмим“ е формирана мобилна група руски воени медицински лица и е во состојба на постојана подготвеност за пружање помош, а отворени се и четири пункта за примање на донаторска крв, како и заеднички оперативен штаб за координација дејствијата на силите и ресурсите ангажирани за обезбедување помош за Сирија.
