Руски разузнавачки авион оштетен во напад со беспилотно летало
Руски разузнавачки авион А-50 е оштетен во неделата во напад со беспилотно летало врз воена база во близина на главниот град на Белорусија, Минск, соопштија белоруските партизански герилци и членови на опозицијата во егзил.
„Тоа беа беспилотни летала. Учесниците во операцијата беа Белоруски“, изјави на Телеграм лидерот на антивладината организација BYPOL, Аликсандар Азаров, а пораката ја објави и на полскиот канал Белсат.
Тој додаде дека учесниците во нападот „сега се безбедни, надвор од земјата“, според Ројтерс.
Белсат е полски радиодифузер фокусиран на белоруски вести кои Минск ги означи како екстремистички.
Организацијата BYPOL, која вклучува поранешни припадници на полицијата кои поддржуваат опозициски политичари, е означена како терористичка организација во Минск.
Франак Вијачорка, советник на лидерката на белоруската опозиција Светлана Тихановска, на Твитер напиша дека тоа е најуспешниот чин на саботажа од почетокот на 2022 година.
Ројтерс истакнува дека не може самостојно да ги потврди извештаите.
Засега нема одговор од министерствата за одбрана на Русија и Белорусија на барањата за коментар, а она што е познато е дека предниот и централниот дел на авионот, како и радарската антена се оштетени по нападот на Воената база Мачулишчи во близина на Минск, соопшти БИПОЛ.
Авионот А-50 на Бери, кој НАТО го нарекува Mainstay, е авион за рано предупредување и има можност да следи до 60 цели истовремено.
Од почетокот на рускиот напад врз Украина пред една година, имаше неколку саботажни дејствија во регионите на Белорусија и Русија, кои граничат со Украина, а особено на мета беа железниците.
Британската новинска агенција истакнува дека претседателот Александар Лукашенко не учествувал директно во руската војна во Украина, но дозволил руските сили да ја користат белоруската територија како една од точките за напад.
Русија и Белорусија имаат бројни заеднички воени единици во Белорусија и редовно одржуваат вежби.
Во Белорусија се распоредени одреден број руски воени и извидувачки авиони.
Горда сум на сите Белоруси кои продолжуваат да се спротивставуваат на руската хибридна окупација на Белорусија и се борат за слободата на Украина“, напиша Тихановска на Твитер.
