Македонија

Уапсени четворица млади кумановци, нападнале и ограбиле баба

Од Скопје 1

Објавено на 27/02/2023

Уапсени се четири млади лица од Куманово поради напад врз повозрасна жителка на која и ја украле ташната.

Од МВР соопштуваат дека четворицата напаѓачи се на возраст од 19 до 21 година, а по документирање на случајот, против нив ќе следи соодветна пријава.

– На 26.02.2023 во 03.30 часот, полициски службеници од СВР Куманово ги лишиле од слобода И.С.(20), С.С.(20), Н.К.(21) и М.К.(19), сите од Куманово.

Тие се сомничат дека околу 01.30 часот на улица „Моша Пијаде“ физички ја нападнале С.Т.(72) од Куманово и ѝ ја одзеле чантата.

Лицата биле приведени во полициска станица и по целосно документирање на случајот против нив ќе следува соодветна пријава – пишува МВР во билтенот.