Македонскиот народ и Левица не ви се плашат од празните закани за војна, вели Крмов
Борислав Крмов од Левица се обрати во Собранието, каде се осврна на колумната на функционерот на Алијанса за Албанцитe, Арбен Фетаи. На почетокот на својот говор, повторно Крмов побара премиерот Димитар Ковачевски да се врати во собраниската сала во која не беше присутен.
„Таканареченета европска коалиција е всушност анти-европски фронт, затоа што тие две партии не можат да излезат од матрицата на насилие и закани на кои сме навикнати, особено последниве 20 години, после 2001 година. Новиот лидер на Алијанса за Албанците, Таравари излезе со изјави за наводни радикализации, на кое се надоврзаа пратениците од Алтернатива и тие побараа чисти етнички општини. Ова барање е калкулација на Алтернатива, затоа што таа идеја не потекна од Алтернатива, туку од Алијанса за Албанците.
Извесен Арбен Фетаи, висок функционер од Алијанса за Албанците, во колумна зборува за македонски енклави во современа македонската држава, кои го нарушувале албанскиот територијален континуитет и според него, ни требало нова чисто етничка организација на општините?!
Никој од власта не ја демантираше оваа скандалозна колумна, затоа што не може да излеземе од таа матрица на политичко насилие и закани. Не може партиите со албански етнички предзнак да се прават поголемо ДУИ од ДУИ, наместо да борат против ДУИ со социјални прашања. Вие требаше да сфатите дека ваш непријател е ДУИ и да се обедините, наместо да се кошкате во Парламент со Левица за ситни политички поени, но затоа, сега сте декласирани.
Сега, за разлика од претходните 20 години, ќе бидете прозивани секогаш кога ќе покажите анти-државничко однесување, како колумната на извесниот Фетаи. И ќе ви порачам дека ниту македонскоот народ, ниту ние ви се плашиме од радикализации. Ако сакате, почнете уште утре. Никој не ви се плаши“, вели Крмов
