Променливо облачно со врнежи од дожд
Денеска во земјава нè очекува променливо облачно и посвежо време. Управата за хидрометеоролошки работи (УХМР) прогнозира врнежи од дожд кои на места ќе бидат пообилни, особено претпладне во западните делови од земјава. Ќе дува умерен, а долж Повардарието засилен северен ветер.
Попладне облачноста ќе се намалува.
Минималните температури ќе се движат во интервал од 2 до 10 Целзиусови степени, а максималните ќе се искачат до 19 степени.
Во Скопје времето ќе биде променливо облачно со врнежи од дожд, особено во претпладневните часови. Ќе дува умерен, повремено засилен ветер од северен правец. Минималната температура во Скопскиот регион ќе се спушти до 8 Целзиусови степени, а максималната ќе достигне 18 степени.
УХМР за утре и наредните денови прогнозира сончево време со мала до умерена облачност.
