Грузиски активисти ја прекинаа венчавката на која присуствувала ќерката на рускиот министер за надворешни работи Сергеј Лавров надвор од главниот град Тбилиси.
Грузиските медиуми објавија дека Екатерина, ќерката на Лавров, на 20 мај требала да присуствува на прием по венчавка во планинското одморалиште источно од Тбилиси. Според информациите, тоа било свадба на братот на Александар Винокуров, кој е оженет со Екатерина, ќерката на Лавров.
Сепак, демонстрантите одржаа протест пред одморалиштето и се судрија со полицијата, која уапси најмалку 16 лица.
This is terrible to watch and post. Going after your own citizens in such a brutal and ruthless way to protect the occupiers and the enemies of your own country. pic.twitter.com/Pif7BNXSKh
— Katie Shoshiashvili (@KShoshiashvili) May 20, 2023
Според медиумите, некои демонстранти фрлале јајца кон минибусите кои излегувале од хотелот и извикувале: „Во Грузија нема место за Русите“.
Засега не е познато дали венчавката навистина се случила.
На 19 мај, опозициски ТВ канал објави снимка од свадбена церемонија во матичната служба во Тбилиси. Не се знае дали ќерката на Лавров присуствувала на свадбата или на дочекот.
