Министерот го повика разрешениот директор да му биде советник
![Avatar](https://skopje1.mk/wp-content/uploads/2021/09/xd-80x80.jpg)
![](https://skopje1.mk/wp-content/uploads/2023/06/Fatmir-Medziti.jpg)
Министерот за здравство Фатмир Меџити на денешниот брифинг со новинарите истакна дека разрешениот директор на Кардиохирургија, професор д-р Сашко Јовев му е пријател и пред неколку дена пиеле кафе заедно, но и дека му понудил да му биде советник во кабинетот.
Меџити тврдеше пред новинарите дека разрешувањето на професорот Јовев нема никаква политичка или друга заднина.
– Професорот ќе продолжи со работа како здравствен работник и ќе биде послободен од административни обврски, ќе има повеќе време за пациентите. Разрешувањето е во правец на подобрување на здравствените услуги – објасни министерот Меџити.
Тој го повика д-р Јовев да му биде советник во Кабинетот, како национален координатор за кардиохирургија.
Министерот рече дека причина за разрешувањето на Јовев е нивното несогласување во врска со плаќањето на дежурствата во текот на 2022 година.
![](https://skopje1.mk/wp-content/uploads/2022/01/2222.png)