Ако знаете што точно да правите, или што да не правите во случај на приближување на ајкула може да ви го спаси животот, велат експертите додека одговараат зошто сме сведоци на повеќе напади на ајкули од кога било досега.
Водечки морски биолог откри што не треба да правите ако некогаш се соочите со ајкула.
Со неодамнешниот пораст на нападите на ајкули кои се актуелни ширум светот, пливачите во одредени делови од светот се на стража кога ќе влезат во водата.
Тоа е кошмар за луѓето, но што треба да направите ако видите еден од океанските ѕверови како доаѓа кон вас?
Па, повеќе е прашање што не смеете да правите.
Експертот Рајан Џонсон објасни дека има една работа што апсолутно не треба да ја правите под никакви околности ако сакате да преживеете.
„Ако наидете на ајкула додека сте во вода, најлошото нешто што можете да направите е да се однесувате како плен“, рече тој.
„Ако се однесувате како плен, тие веројатно ќе ве третираат како плен. Не паничете, не се тресете, не се обидувајте да избегате. Треба да се држите до своето место и да не мрднете и 99,9% од времето ќе си поминете прекрасно, а потоа ќе продолжите. Важно е секој што оди во вода да биде едуциран за ајкулите. Тогаш кога ќе почнат да се појавуваат на чудни места, знаеме како да реагираме“, додаде биологот.
Научниците велат дека недостигот на помали риби, е главната причина за појавување на ајкулите. Во последно време, истражувачите наидоа на ајкули со намален црн дроб, што е знак за тешка неисхранетост. Затоа бараат да се спроведат мерки за забрана на риболов, за повторно да се стабилизира бројката на помалите риби.
Според тоа, извештаите кажуваат дека некои од неодамнешните напади би можеле да бидат предизвикани од гладни ајкули кои биле принудени да ловат плен што вообичаено не би го јаделе.
makfax.com.mk
